Kalakunj Mandir

⦿ ઘનશ્યામ મહારાજની તા:૨૩/૦૪/૧૯૯૯ ને વૈશાખ સુદ -૮ ના મંગલ દિવસે મંદિરના ગર્ભગૃહના મધ્ય ખંડમાં દિવ્ય પ્રાણ પ્રતિષ્ઠા બાદ તેની મંગળા આરતી , શણગાર આરતી , રાજભોગ આરતી, સંધ્યા આરતી, શયન આરતી એમ દિવસમાં ૫ ટાઇમે મંગલમય આરતી થાય છે. આ ઉપરાંત સંપ્રદાયની દિવ્ય પરંપરા અનુસાર દિવસ દરમ્યાન સંતો અને હરિભક્તોના સત્સંગનું પોષણ થાય તેવા ઉમદા હેતુથી ૫ સમયે કથાઓ થાય છે.

⦿ શ્રી સ્વા. મંદિર કલાકુંજમાં પુ.ગુરુજી ના ૨૮ જેટલા ત્યાગી શિષ્યો આજ્ઞામાં રહીને સત્સંગ અને સેવા કાર્યોની પ્રવૃત્તિ કરાવે છે.

⦿ પૂ.ગુરૂજીએ બાળકોથી લઈને વડીલોમાં ભગવાન સ્વામિનારાયણ ની વિશેષ ઓળખાણ થાય અને એક આદર્શ નાગરિકનું નિર્માણ થાય તેવા ઉચ્ચ આશયથી શિશુસભા, બાળસભા, બાલિકા સભા, કિશોરસભા, યુવાસભા, યુવતી સભા, સત્સંગસભા, મહિલા સભા, આત્મિયસભા, જેવી અઠવાડિક સભાઓ ની સ્થાપના કરી.

⦿ શ્રી સ્વા. મંદિર કલાકુંજના પરિસરમાં શ્રી સહજાનંદ થાળ ભેટ ઓફિસ,શ્રી સહજાનંદ સાહિત્ય કેન્દ્ર, હરિજીવન સંતઆશ્રમ, શ્રીજી દર્શન પોલીકલીનીક, ઘનશ્યામ ભોજનાલય, ઘનશ્યામ લાઇબ્રેરી, ઘનશ્યામ ભુવન(અતિથિ ભુવન), ઓફિસ જેવા સ્થાનોનો સમાવેશ થાય છે.

⦿ જન સેવા એ પણ પ્રભુ સેવાના ન્યાયે પૂ. ગુરુજી ના વરદ હસ્તે તા:૨૧/૧/૨૦૦૧ ને રવિવાર ના રોજ શ્રીજી દર્શન પોલિકલીનિક દવાખાનાની સ્થાપના કરી જેમાં અનેક દર્દીઓ આવી ને ખુબજ નજીવી કીમતે કોઈ પણ બીમારીનો ઈલાજ કરાવે છે.

⦿ શ્રી સ્વા. મંદિરમાં દીવાળી,અન્નકૂટ ઉત્સવ, જોળી પર્વ, હોળી, ધૂળેટી, જન્માષ્ટમી, રામનવમી, હરિજયંતી, શરદોત્સવ, ગણપતિ પૂજન, હનુમાનજી પૂજન, રક્ષાબંધન,નવરાત્રી વિગેરે જેવા અનેક ધાર્મિક તહેવારો અને ૧૫ મી ઓગસ્ટ, ૨૬ મી જાન્યુઆરી વિગેરે જેવા રાષ્ટ્રીય તહેવારો ધામધૂમપૂર્વક ઉજવવામાં આવે છે.

⦿ શ્રી સ્વા. મંદિર દ્વારા વૃક્ષારોપણ, વ્યસન મુક્તિ કાર્યક્ર્મો, બ્લડ ડોનેશન કેમ્પ, ધાબળા અને ચંપલ વિતરણ વિગેરે જેવી પણ અનેક સામાજિક સેવાઓ કરવામાં આવે છે.

⦿ પૂ. ગુરૂજીની પ્રેરણાથી અનેક વિદ્યાર્થીઓને આધ્યાત્મિક સંસ્કાર સાથે અદ્યતન શિક્ષણ આપવાના ઉદ્દેશથી વાલક પાટિયા, લસકાણા પાસે એક અંગ્રેજી માધ્યમ શ્રી સ્વામિનારાયણ મિશન નામક શૈક્ષણીક સંસ્થાની સ્થાપના કરી જેમાં આશરે ૨૫૦૦ થી ૩૦૦૦ જેટલા વિદ્યાર્થીઓ સંસ્કાર સાથે શિક્ષણ મેળવી રહ્યા છે.

⦿ આ ઉપરાંત પ.પૂ.સદ.શ્રી નીલકંઠચરણદાસજી સ્વામી, જ્યાં શ્રીજી મહારાજ ને ગાદી સોંપી હતી તેવા ગાદીસ્થાન જેતપુર ધામ, સ્વામિનારાયણ મહામંત્ર પ્રાગટ્ય સ્થાન-ફરેણી અને આ ઉપરાંત વડતાલ તાબાનું મધ્યપ્રદેશ રાજ્યનું ઈન્દોર વિગેરે મંદિરોના મહંત પદે રહીને સત્સંગની ખુબ સારી સેવા કરે છે.

⦿ આ ઉપરાંત પૂ.ગુરુજી વિદેશની ધરતી ઉપર પણ એક ચુસ્ત સત્સંગી અને સુદ્રઢ સમાજ નિર્માણ થાય તેવા હેતુથી વડતાલ તાબાનું આફ્રિકા દેશમાં નૂતન અને ભવ્ય શિખરબંધ મંદિર નિર્માણ કરી તેના મહંત પદે રહી સત્સંગનું પોષણ કરે છે.

⦿ સંપ્રદાયની રાજધાની ગણાય એવા વડતાલ ધામ ના પણ સંવત ૨૦૬૬ ને જેઠ વદ આઠમ ને તા.૦૫/૦૭/૨૦૧૦ ને સોમવારે આપણા સૌ કોઈના ગુરુ સ્થાને છે એવા પ.પૂ. સદ શ્રી નીલકંઠચરણદાસજી સ્વામી કોઠારી બન્યા અને ત્યાં પણ પ્રગટ મૂર્તિ હરિકૃષ્ણ મહારાજ, લક્ષ્મીનારાયણ દેવ આદિક દેવોની ખૂબ ખંત પૂર્વક સેવા કરી અને પોતાના લાડીલા અને પ્રથમ શિષ્ય એવા પૂ. દેવપ્રકાશ દાસજી સ્વામીને તે ધામની સેવા અને વિકાસ કરવાના શુભ હેતુથી સોંપી દીધા.

⦿ પૂ. ભીખા ભગતજી ની ઈચ્છાથી પૂ. ગુરુજી ભગતજી પરિવાર ના અનેક ગામડાઓના સત્સંગ રૂપી બાગનું સિંચન કરે છે.

⦿ શ્રી. સ્વા. મહિલા મંદિર કલાકુંજનુ નિર્માણ પણ પૂ.ગુરુજી ની પ્રેરણાથી થયું છે. તેમાં સાં.યો.શ્રી લીલા બહેન મંડળ સાથે રહી હજારો બહેનોનું આધ્યાત્મિક ઘડતર કરે છે.